雖然《衝上雲霄II》播完一排，但「Cool魔」張智霖（Chilam）嘅魅力不減，就連招緊股嘅內地男裝新股卡賓（2030），噚日搞推介會都搵佢撐場，變身客席主持喺台上同老闆「卡賓先生」楊紫明玩真情對話。一班平日cool爆嘅女ibanker，即刻變晒粉絲，排隊同Cool魔影相。
Cool魔噚日認真畀面，喺推介會度由頭坐到尾，卡賓先搵咗幾名型男model拍住佢影相，重頭戲就係佢同公司老闆楊紫明坐喺台上傾偈，其實係Cool魔做司儀，畀楊老闆講經營心得之類。
根據招股書，楊紫明41歲，喺時裝零售、設計方面有超過20年經驗。雖然佢可以做埋生招牌，但企喺Cool魔身邊，當然係對方吸引力大啲喇。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24