轉數快如立法會主席曾鈺成，都有老貓燒鬚嘅時候。噚日民主派向狼振英提不信任動議，建制派例牌行出行入唔齊人，連自由黨田少都忍唔住要求點人數，但點都估唔到連曾鈺成都call議員返入議事廳，聽泛民力數狼英衰嘢？
話說當黃毓民發言完畢後，輪到社民連長毛發炮。但毓民總結嗰時鬧其他泛民唔齊心，在席得嗰小貓三、四隻，跟住長毛準備企起身夾咪發言嗰陣，曾鈺成誤以為長毛要點人數，自動波叫秘書響鐘，但查實長毛只係諗住發言咋。
曾鈺成事後解釋，佢見毓民講講吓嘢停響度，心諗毓民好少食螺絲嘛，咪諗住佢係想點人數囉，曾鈺成呢鋪可以話係「叻唔切咯」。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24