呢排同唔少老友一講開畫，都一定問幅畫係真定係假，俾人話假畫就唔好啦！港大聽日起展出意大利國寶《維納斯》作品，就肯定堅過石堅。呢幅裸體嘅《維納斯》係意大利殿堂級藝術品，出自文藝復興時期佛羅倫斯畫派名家桑德羅．波提切利（Sandro Botticelli）手筆，係約1482年嘅作品。名畫原本收藏喺意大利都靈著名嘅薩包達美術館，今次首度來港展出。
展覽由意大利駐香港及澳門總領事館同港大合作搞㗎，聽日起至12月15日喺港大美術博物館舉行，入場費用全免。賭后何超瓊噚日仲以贊助人身份，同民政事務局局長曾德成等一齊出席揭幕禮。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange