三獅兵團前晚喺世盃外贏波出線決賽周，幼獅同日都喺U21歐國外A組分組賽主場大勝立陶宛5:0，家陣仲同威爾斯同以10分並列榜首，不過就打少兩場。俾曼聯賣去韋斯咸嘅拉夫摩利臣（左）成為焦點，佢喺76分鐘原本有機會完成帽子戲法，可惜有球12碼由比拉希奴主射，最終佢只係入得兩粒。唔知係咪咁而搞到佢躁躁哋，完場前喺對手禁區頂同曼聯嘅韋費特沙夏講手，好彩後備入替嘅列特文醒目分開佢哋，先至冇不愉快事件發生，相信領隊修夫基會私底下捉呢對進攻孖寶去照肺。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24