愛爾蘭前晚喺世盃外歐洲區C組煞科戰主場贏哈薩克3:1，總算結束3連敗走勢而攞番個尾彩，美中不足嘅係司職中場吉遜（圖）只係踢咗37分鐘，就因為膝傷而要軍醫用擔架抬離場。吉遜今季勁黑仔，早前因膝頭有事而缺席愛華頓季初比賽，直到上月尾先至復出，家陣佢又整親膝頭，睇嚟要唞幾個月先可以返球場比賽。除咗吉遜之外，呢場波愛華頓仲有史密斯高文同占士麥卡菲為愛爾蘭正選上陣兼打足，好彩冇乜事，坐喺觀眾席上嘅拖肥糖領隊馬天尼斯先至冇咁驚咋！
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24