灣仔區議員「白姐姐」白韻琹平時開完會，都會坐巴士返羅素街辦事處，貪巴士夠直接坐幾個站就到。噚日晏晝四點幾，佢去區議會攞文件後，喺修頓球場搭11號單層城巴返辦事處，點知巴士駛近駱克道街市準備埋站時，車長話路面崎嶇搞到架車出現搖晃，白姐姐坐唔穩加上疑俾隔籬乘客碰一碰，成個人跌出座位擦傷左膝扭傷頸，要瞓擔架床送去律敦治醫院。
白姐姐經檢驗後冇大礙，夜晚七點幾，佢愛人謝偉俊接佢出院。白姐姐憶述出事嗰陣，「感覺巴士好似煞車，跟住仆向前同跌倒受傷，好似仲有幾個乘客仆親」。但佢好大方唔追究，「唔關人哋（車長）事，可能避車箒。」
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24