恒隆地產（101）前執行董事高伯遒，早排轉投創業板內房股南華置地（8155）做執董兼副主席，噚日返新工後首次亮相。
高伯遒舊年底疑似「被辭職」，噚日冇乜點提舊公司，只係話冇做之後過得好舒服、好relax，唔使日日掛住公司嘢，完全冇晒工作壓力咁話。過去大半年，佢前後去咗英國4次，主要係探老同學，同埋兩位喺當地讀書嘅囝囝。
佢履新兩星期，話𠵱家都係適應階段，未算係好忙，不過，佢已經定下目標，要將公司由創業板升呢到主板，遲啲有好多搞作。
至於舊年同佢差唔多時間冇做嘅另一位恒隆老臣子姚子賢，高伯遒透露，姚子賢𠵱家身處上海，冇乜同佢聯絡。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange