消委會噚日公佈經測試後，發現一款「BBB」嘅廁紙含有溶血性鏈球菌同可遷移螢光物質，會引致皮膚敏感。呢隻強國品牌廁紙幾乎cheap絕全市，據講1.9元就有一卷。點知話口未完，噚日去過亞視嘅政界中人卻發現：亞視廁所，原來用緊「BBB」廁紙！
有圖有真相！噚日大樓內某廁格嘅馬桶上，就有一卷未拆嘅「BBB」廁紙，昂然佇立。據知當事人被呢個場面「懾」親，擔心廁紙卷上嘅廁紙係同一牌子，為免惹細菌受感染，最終出動私家紙巾「善後」，仲向八方吐出肺腑之言：「睇吓間電視台用咩廁紙，就知對員工有幾好。」亞視回應話重視員工健康，已留意消委會報告。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange