饒老又出巡，皆因以佢命名嘅饒宗頤文化館有新活動。該館同寧波有400幾年歷史嘅古藏書樓「天一閣」合作，舉辦「根深葉茂──天一閣館藏珍品展」，展出80幾項古籍、碑帖等藏品。天一閣仲趁機宣佈聘饒老為名譽館長，饒老親自出席，送咗幅墨寶畀寧波市。
講番個展覽，當中有個section展出一啲港人熟悉嘅名人族譜，證明船王包玉剛真係宋朝「包青天」包拯嘅後人；又有蔣氏宗譜，可見蔣介石同蔣經國個名。仲有一套睇落好新淨、電腦字feel嘅邵氏宗譜，有邵逸夫爵士小傳之餘，仲有埋彩色照片，原來天一閣至今依然會收書，唔係淨係得古書，本邵氏宗譜就係九十年代收藏嘅。之但係呢，大部份展品都係仿本，皆因真品太珍貴又太脆弱，要留喺寧波囉。
展覽由即日至12月10日，有興趣請睇 http://www.jtia.hk。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24