【本報訊】縱使無綫和亞視一直反對政府增發免費電視牌，但電視台越多表示藝人越多出路，身價自然相對吃香，故藝人們對此均表示歡迎，無綫花旦胡杏兒坦言發牌是好事，可帶來良性競爭，又指無綫強大不會怕。無綫小生吳卓羲則說：「多啲競爭、多啲人入行係好事，呢個係商業公平競爭，若公司需要我哋，隨時會幫手打仗。」滕麗名也指發牌是值得開心，令這行更加蓬勃，但她認為王維基拍攝的題材較激，只在網絡電視有得發展。
羅蘭直言對王維基未獲發牌感到不快：「希望明年有轉機。」雪梨亦言世事會有變數：「王維基先生做咗咁多嘢，我感覺應該仲有變數，會唔會諗下亞視2015年唔再續牌呢？全部都係talk show，我真係冇辦法睇亞視，我都唔知佢有乜畀我睇，我個人意見，寧願個牌畀王維基。」
黃婉曼指有線不積極
亞視藝員蔡國威認為發牌是好事，亦不擔心對亞視有影響：「恭喜兩間電視台，有競爭先有進步，作為亞視藝人，梗係希望公司可以喺一個良性競爭下有多啲製作，採取積極態度面對。希望王生唔好氣餒，如果有心做電視，努力啲去帶領台前幕後現有嘅工作人員，睇吓仲有冇機會！」now TV的黃婉曼笑謂有線態度不太積極，所以都好期待公司有更多節目。有線主播劉明軒直言感到很開心，期待有更多不同類型節目或劇集開拍，對藝人有更多曝光率，絕對是好事。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange