林燕妮昨日在中環出席慈善衫義賣活動，捐出過百件衣物，包括一襲14萬元的紅色晚裝及有梁朝偉及劉嘉玲等簽名的Dior手袋，她說：「我一路執嘢一路鬧自己，如果唔買咁多嘢，可以買多幾層樓，今次可以一邊做慈善、一邊教訓自己。」
問到商台於下月為其胞弟林振強舉行紀念音樂會，林燕妮表示並不知情：「所有人都知佢係我細佬，但係我細佬嘅嘢冇人話我知，又冇人通知我。」會否感到不開心？她語帶諷刺說：「我唔係一個小器嘅人，主辦單位冇通知我，就算唔請我都通知我等我買飛，我覺得咁係欠缺禮貌，家屬都唔通知，只係掛住賺錢。」
採訪、攝影：楊潔雯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！