事隔一季有多，香港意甲迷終可再於電視收看意甲直播，毋須忍受網絡劣質畫面或俄文評述之苦……但其實只是將「苦」轉嫁到銀包之上。
暫時除知道本周羅馬對拿玻里大戰將有直播外，以後每周會有多少意甲直播場次？11月開始正式提供意甲法甲的beIN Sport台收費將是多少？無記收費電視於截稿時仍未公佈。參考「現在台」睇英超要3XX元；「畸寶台」睇歐聯要2XX元；個人認為若每周意甲法甲有共4場重要賽事直播，月費1XX元是可參考的基準。
若沒記錯，蓋茨早於96年便提出網絡以至媒體世界「內容是王」(Content is king)的大道理。到底收費電視中甚麼內容是「王」？2000年開始，「畸寶台」與「現在台」互爭英超轉播權，結果失英超者走客；得英超者蝕錢，英超似是「贏家的詛咒」多過是「王」；兩台均曾在失英超時大力投資娛樂節目，希望「以娛代波」。結果經數年實驗後，行內有個說法：「對收費電視來說，娛樂是『靚衫』，可平可貴甚至唔着都得；足球則是『內褲』，點都唔除得！」現在堪稱「娛樂最強」的無記終要投資於足球直播，看來「足球」確是短期上客的唯一辦法。
在報館當記者時，老總常說：「求人畀6蚊買你份報紙，係好難㗎！」我相信求人花百餘至數百元月費看電視，在免費、收費資訊已經氾濫爆炸的今天，更難；如果收費脫離現實，就更是難上加難了。文：方柏翹
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24