無綫律師大鬥法嘅電視劇一向受歡迎，唔少律師亦係捧場客，但通常邊睇邊鬧馬虎兼亂嚟！早前有執業律師喺本報論壇版質疑無綫處境劇《愛．回家》律師樓故事「似是而非」；本周一首播嘅台慶劇《法外風雲》，翌日已經成律師樓熱話。
八方噚日身處中環某大律師Chamber，見證幾個大狀圍埋鬧爆𠵱套劇，「法官由律政司委派都講得出，咁樣政府就唔使輸官司啦！」、「做咗律師咁耐，都唔知法官間房啲律師可以自出自入？」、「乜會審晒先叫人庭外和解？」
其他錯漏據知仲有：法院大樓拍照違法，但劇中嘅陳豪就以黎耀祥嘅法院照呈堂，事實上庭上亦冇可能人身攻擊對家律師，法官唔鬧爆至奇！更謎嘅係前妻點可能審前夫啲案？睇嚟呢套劇最厲害之處，係令一班大狀齊齊變身戲劇判官。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24