大家樂（341）CEO羅開光（Sunny）終於關注壹傳媒（282）員工日日食「飼料」呢件事了。話說蔡瀾上月中喺壹仔個專欄，批評壹傳媒飯堂嘅食物質素，指冇心做出來嘅，就係飼料，壹傳媒飯堂正正係由大家樂旗下泛亞飲食負責經營。
壹傳媒工會隨後亦畀咗封信大家樂提出意見，羅開光睇完蔡瀾篇文，同埋工會封信，終於關心事件，發信回覆工會。Sunny話，對批評非常關注，即刻責成負責人要廚房重溫「芙蓉煎蛋飯」嘅製作指引，仲推出五大措施去改善服務同食物質素。
雖然華華暫時未感受到措施嘅成效，不過對於大家樂即刻做嘢都要畀個like，亦都寄予期望，話晒今次係大老闆落柯打喎。其實華華只係希望以後喺飯堂食飯，唔使食到成口油，或者成啖成啖芡汁咁落肚啫。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange