新鴻基地產（016）終於請番位大公關坐鎮啦。唔知係咪大老闆郭炳江、郭炳聯預計到將來有好多場硬仗要打，今次請番位男士做公關阿頭，從公關公司Ketchum挖走合夥人Chris Liu，佢上周喺舊公司last day，今日就正式去灣仔新地總部返工。
Chris今年51歲，平日講說話陰聲細氣，相當斯文。佢大學讀新聞系，畢業後做過一年《南華早報》，之後投身公關界，做過政府新聞處同其他公司，喺Ketchum做咗起碼20年，如今佢由湊好多客嘅公關公司，轉做新地內部公關阿頭，轉變都幾大。
一提新地大公關，大家通常諗起好有資歷嘅May Lau，May Lau冇做，之後嘅Emily同Margaret都係做咗幾年左右，Margaret今年6月離開，轉去馬會。可想而知，呢份工應該極富挑戰性！
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24