別人讚你是「天下第一」，好型；但自己說自己是「宇宙最強」，就有啲𤓓啦。阿里巴巴CEO上周終極宣佈集團不會來港上市，同時間拋出一句豪情壯語：由2012年起三至四年內，阿里將會超越美國Wal-mart，成為全球最大零售商。
這是一個甚麼樣的概念呢？Wal-mart去年度總營業額達4,440億元（美元．下同）；而根據持有阿里巴巴股份的Yahoo披露，阿里在截至去年9月底止全年度，營業額約40億元，其實只是Wal-mart的百分之一。
當然，由於阿里巴巴是用平台模式來營運，唔坐貨，然後在每個交易中抽成，所以用真正落袋的營業額來比較的話，阿里的收入規模，是無法和Wal-mart比擬的。不過，如果用成交金額來講，阿里去年就聲稱自己做到1萬億元人仔生意，咁計就大概是Wal-mart的三分之一啦。
阿里呢幾年發展神速，前途無可限量，海迪當然唔敢睇小佢。今年1至3月阿里收入就勁升71%，至13.8億元，如果佢真係保持到呢種速度，要做「宇宙最強」似乎唔係發夢。不過海迪想提出一點：阿里最新一季的溢利率高逾40%，雖然唔知當中有無包含特殊收益，但點都係遠高於同業水平。咁樣的利潤，對基建持續投資偏低，有無可能無風無浪一路維持落去？如果想要做一哥，拓展國際市場必不可少，如何在做大之中又可維持到利潤，這才是阿里未來幾年應該研究的課題。
海迪
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24