商務及經濟發展局前局長馬時亨細女馬露玲（Andrea）出嫁，上周六於聖約翰座堂行禮後，昨晚與丈夫符傑廉（Ian)假中環四季酒店筵開33席，除了政界高官，還有不少商界及演藝界名人如李澤楷、潘廸生夫婦、李民橋夫婦、蔡志明夫婦、白雪仙、劉千石和前港姐趙希洛等到賀。
早已夫婦相稱
昨日主人家一早到酒店準備，約於下午5時30分，一對新人與馬時亨夫婦現身見傳媒。問Andrea習慣被稱符太嗎？她即甜笑：「其實結婚前佢已經叫我老婆。」他們將赴歐洲度蜜月，問到父親馬時亨有否催生B？Andrea與丈夫均謂先過二人世界，Andrea說：「都冇壓力，不嬲爹哋都冇畀壓力。」
馬時亨表弟曾志偉一早到場招呼賓客，對於有否寄語一對新人，志偉說：「表哥真係圓夢，放下心頭大石。最緊要兩個開心，表哥有家訓㗎啦。」
問志偉出錢投梅艷芳的獎座，他說：「獎對一個藝人嚟講好緊要，係一個藝人尊嚴，必須保存。我知道呢件事嘅時候係喺越南，同啲fans、朋友聯絡，如果各有各投，啲獎就會四散，𠵱家我攞晒先，展覽遲啲先算，全世界fans都好有心，希望到時展覽可以齊全。」
表揚軒仔競投
至於阿梅的新秀獎座失蹤，志偉顯得甚為緊張：「點解會唔見？唔喺屋企箒，可能阿梅自己收埋咗，唔見咗冇所謂，最緊要唔好流失。」志偉更表揚張敬軒相當有心，指他暗中投了很多。
此外，亞視前執行董事盛品儒近期經常與人妻、前亞姐黎虹讌出雙入對，昨晚兩人於酒店出現。
採訪：盧妹
攝影：仇志德
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24