電視撈飯:周家怡煞科望發牌

電視撈飯:周家怡煞科望發牌

香港電視HKTV嘅電視劇《導火新聞線》,日前喺尖沙嘴舉行煞科宴,周家怡、梁小冰、楊淇、姜文杰同黃美棋等成班幕前幕後都有出席,佢哋仲將大合照放上微博。家怡噚日喺電話度話套劇已經拍完個幾月,因為之後各有各忙,所以等到上星期五先有時間搞煞科宴。家怡又話:「當日開咗八、九圍,好熱鬧。呢套劇大家好畀心機去做,希望快啲有電視牌照,等套劇可以快啲出街啦!」

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!