雖然已係千禧年代，但唔少香港人都係鍾意好意頭嘅嘢，好似城中富豪「大粒uncle」，近日佢有份投資嘅新酒店差唔多完工，身為老細梗係要去巡視吓，關仁聽到當大粒uncle見到大堂啲裝飾時竟然大發雷霆，嚇到啲下屬鼻哥窿都冇肉。原來設計師喺大堂掛咗四個好似大鐘嘅吊飾，大粒uncle見到狂鬧：「即係人哋送鐘畀我！」中國人最忌諱送鐘，唔怪得佢咁勞氣，即刻除晒啲鐘落嚟。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！