有冤無路訴，點算好？有位大嬸心生一計，竟然打算趁港台城市論壇直播節目踩上台板，喺全港觀眾面前除去上身衫展示被虐傷勢，不過始終趕唔切，好快就畀保安叔叔制止咗，拉番佢落台冷靜吓。
呢位據稱係新移民嘅嬸嬸，喺噚日嘅城市論壇，踴躍舉手爭取發言機會，支咪最終遞到佢手上時，佢一開口就話香港家嘈屋閉，搞到政府冇辦法施政，突然話鋒一轉就指自己受到虐待，隨即步出座位想擒上台，旁邊嘉賓謝志堅都不禁向後縮一縮。
三個保安即時拉番佢落地，都阻止唔到大嬸除去上衣，露出膊頭瘀傷。可惜在場冇乜人清楚聽到呢位嬸嬸所受冤屈有幾苦，希望佢可以成功申冤，唔使再受苦啦。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24