日劇《半澤直樹》深受港人歡迎，估唔到香港網民咁快就有二次創作出現。微電影大導小堅前日喺網上上載咗一段台慶鬧劇《半點收樹之宣戰》嘅短片，都幾好睇㗎。
網民等睇第二集
呢套片以香港電視台嘅《金枝慾孽》、勾心鬥角做藍本，講一個弱勢電視台嘅監製半點收樹，畀老細三次朗總監落柯打，要拍一套叫做《可憐天下父母心2013》嘅重頭劇為收視救亡。
一聽個劇名，就知道out過亞視嗰啲重播劇啦，半點收樹覺得唔對路，問可唔可以改戲路，點知三次朗總監寫包單，話有乜事由佢負責。結果收視仆直，三次朗總監當然翻臉不認人。半點收樹絕地反擊，同高層講只要由佢孭飛拍多套劇，必能令收視起死回生。八方都係喺YouTube睇到上半集，欲知後事如何？真係要等吓小堅幾時上載第二集囉。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange