應召女郎變學生妹？家陣唔係搞緊學生妹之夜，而係巴西班囡囡真係去學校上堂，至於點解佢哋無啦啦返學，之唔係為咗明年夏天嘅世盃決賽周做好準備囉！
世界各地嘅球迷會喺明年夏天湧去巴西，睇4年一度嘅世盃決賽周，少不免會有啲男性粉絲會去幫襯啲姐姐仔。但基於唔係個個講葡文，為免大家溝通唔到，有個叫富治斯嘅自願工作者就教佢哋英文。
學習「職業」英語
富治斯唔係負責教晒整個巴西嘅姐姐仔，而係同巴西妓女公會會長維娜進行一對一嘅授課，等維娜之後再教番啲姐姐仔。同時會教埋姐姐仔西班牙文同法文嘅富治斯話：「我會教佢哋點樣講啲生字同句子，等佢哋可以同客人容易啲溝通，唔使搞到雞同鴨講。」富治斯主要教一啲同召妓有關嘅英文生字同埋語句，例如係「幾錢一次？」（How much is it？）、安全套（condom）、姿勢（position）、口交（sucking）同前戲（foreplay）之類。
維娜喺上堂嘅時候好留心，仲抄低好多「性筆記」，等自己第日教番班姐姐仔嘅時候，可以好容易就令佢哋聽得明。佢話：「我哋多數喺條街或者的士高同啲外國人兜生意。我哋想好好訓練班囡囡，等佢哋可以提供更好嘅服務畀客人。」佢咁用心良苦，真係抵讚。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange