潮媽陳慧琳（Kelly）自從婚後誕下蝦餃仔劉昇及小龍包劉琛後，一直將家庭放在首位，自此話題總離不開兩位cute爆兒子。今次她擔任《亂噏24》嘉賓，已沒刻意講及家人，反而是黎智英（肥佬黎）和蔡瀾左右開弓，指出有些女人是支配狂（control freak），令Kelly大為尷尬。節目由今日至本周五每日播出兩集，讀者可於《蘋果動新聞》網頁觀看，亦可在 http://bit.ly/appletalk24重溫，足本版則於周四晚上11時播出。
唔會改變老公
天生購物狂的Kelly，自言「唔買嘢會死」，當然也會替老公選購衣服，但多數不合對方心水。蔡瀾提出一個很有趣觀點，就是女人愛支配男人，透過買衫來控制對方。肥佬黎認為那些都是欠安全感的女人，Kelly即時澄清：「譬如我買畀老公，我都會諗佢啱呢件衫先會買，又唔會特登要佢改變形象而買畀佢。」蔡瀾見Kelly對號入座，即笑說不是指她。
肥佬黎續道：「有啲女人要控制個男人、控制個仔，買啲嘢畀佢。要你着呢啲衫，要你做呢樣嘢，個仔要學鋼琴、學畫畫，樣樣安排晒畀你，係control freak！」他更指出有些女人甚至刻意餵飽男人，讓他變成大肥佬，降低其拈花惹草的機會，Kelly即笑說：「咁好戇居喎！」未知她當時可有想着蝦餃仔呢！
撰文：馮國康
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24