「你嘅計劃就算有幾長遠都好，永遠都追唔上變化。」這番話出自一個80後時裝設計師許業基（Kei）的口中，說實的，有點看破世事的睿智。本地品牌Creature de Keis設計師Kei，去年以本土設計師身份進軍海外，出席巴黎Who's Next Prêt-à-porter Paris，擅於將不同物料拼湊在一起，透過破壞、拆解再合成，令時裝重生，連阿徐都點名讚過，並將他的作品放在Liger售賣。Kei在2010年以月租二萬五，在灣仔聖佛蘭士街租下一個350呎的單位開設自家小店，生意尚算不錯，但一年之後被某大集團將整幢大廈買起，Kei被迫離場。
同樣租金 地方大十倍
Kei說：「剛續約不久，成幢大廈畀人用10億收購咗，業主一個月通知叫你搬走，附近啲單位一下子又炒到好貴。眼見當時好多Fashion Outlet在香港仔開店，咪試吓囉！香港呢方面真係冇乜人情味，個個都係投資心態，唔會因為你做不來而停下。」現時Kei同樣以月租二萬五租下黃竹坑一個工廈單位，已3,000呎，比從前大了近10倍，兩種感受。「以前喺地舖，好逼好細， 又要忙着招呼不同客，都冇時間同客人溝通，好似只係純交易咁。但搬了入工廈之後，好多客都會特登搭車入來幫襯，佢哋好多時睇完，都會一齊食Lunch或Tea，傾吓偈交流吓時裝意見。」雖則轉戰工廈後收入少了一倍，但Kei反樂得一份當初做時裝的動力，又多點時間搞好設計。
Info：Creature de Keis
路線：自家品牌店（只限預約）
廈流年資：1年
面積：約3,000呎
地址：黃竹坑香葉道4號怡達工業大廈20樓B室（2861 1208）
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange