噚日係學民思潮黃之鋒17歲生日，唔少網友24小時不斷係facebook留言同呢個學民仔賀生日。最抵死就係社民連黃浩銘，貼返之鋒同學民戰友Oscar Lai今年7.1遊行喺街站大雨中，兩人共用同一把遮嘅溫馨相，祝之鋒：「早日找到好伴侶，與你同行，並肩作戰」。
生日流流，之鋒同家人食飯慶祝，大頭蝦到喺巴士度跌咗個銀包。好彩有熱心市民拎咗去差館。喺警署攞番銀包時，之鋒「職業病」發作，問警察叔叔：「點解要拎咁多個人資料」。警察就同佢講：「放心喎黃生，𠵱家又唔係遊行示威，我哋𠵱家唔會刻意為難你㗎。」都算係生日奇遇。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24