這兩周，香港U23「隻身」飛到老遠的天津，進行衞冕東亞運的不可能任務。沒有4年前幾近爆棚的現場觀眾、沒有全港電台電視直播打氣支持、連主教練金判坤也因大國腳備戰而留港，香港U23就像孤軍作戰一樣。這樣老天還嫌不夠，安排港隊面對實力最強的北韓時，早於十數分鐘便打少個，結果2:5落敗，衞冕夢碎。
這是全部了嗎？我卻看到另一面：我看到首仗對中國不少球迷透過網上睇直播：「0:0！好波！」之後每仗開賽前，網上均有大批「儍佬」或「儍婆」瘋狂互傳：「有無link睇直播呀？」「搵咗成粒鐘都冇呀！」結果大夥兒在電腦旁，透過facebook不斷互傳賽果，「撐住呀！……Yeah！又和日本！」「（對北韓）黃威紅牌！……輸咗喇！但入兩球都好！」我相信，這班小國腳，並非「孤身作戰」。
其實所謂「衞冕」，識波的球迷根本不會奢談，只要盡力便已足夠。中、日縱非派出最強的U23，但以他們的水平和訓練強度，實力也肯定在港隊之上；兩戰不失一球，已是很好成績。除球員鬥志和努力，教練團的部署和水平，亦可見一斑。香港足球，既有好的年青球員，亦有好的教練，搞好足運係難，是否「不可能的任務」？就像U23一樣，盡力踢好當下每場波再說吧！今晚鬥南韓，香港U23加油！明晚到大國腳，越級挑戰阿聯酋，球迷們！一齊入場，告訴港隊「你不孤單」吧！文：方柏翹
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange