陽澄湖所產的大閘蟹有四大特徵，分別是「青背、白肚、黃毛、金爪」，被視為蟹中極品，但由於貨源不穩定，加上供應量少，提供的菜式亦不多。逸東軒選用的大閘蟹，由老三陽直接供貨，套餐內除了有三隻四両重的陽澄湖大閘蟹，可讓你拆餐飽外，亦提供蟹粉菜式，所有蟹粉均由陽澄湖大閘蟹生拆而成，其中蟹粉竹林琵琶燕，將四両蟹拆成八錢蟹粉，將叉燒粒、北菇等混入豆腐，再加入燕窩，更能突出蟹粉的濃香。最令人驚喜是將蟹粉燕窩釀入雞翼，雞皮咬落香脆，蟹粉爆油，入口甘甜香滑，很滋味。行政總廚譚棟分享煮蟹粉秘訣：「蟹粉生拆而成雖花工夫，但最能食到其鮮味，食大閘蟹最講時令，俗語說：『九圓十尖』，現時以蟹乸最靚，所以蟹粉比例亦以蟹乸為多，稍後則會加入公蟹，同時混入細薑粒，以中和其寒涼。」
d.
逸東軒（2878 1212）
灣仔港灣道23號鷹君中心2樓
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange