香港人優先成員噚日發起遊行，抗議解放軍將添馬艦駐港總部北面一個長150米嘅碼頭，霸咗做軍事用途。佢哋由碼頭出發，沿海濱長廊揮舞龍獅旗，高叫「解放軍撤出香港」、「支那人滾！」等口號，又帶同一塊長約10米嘅黑布，象徵圍封碼頭附近嘅海濱長廊路段，話要禁止解放軍進入。
兩次俾警察拘捕又即日釋放嘅香港人優先成員招顯聰就話，原本打算喺軍營正門集會，但警方以影響解放軍尊嚴理由拒絕，佢批評呢個係一個政治考慮。成員遊行到軍營對面，警察已架起鐵馬，防止示威者衝撞。招顯聰批評鐵馬係一種暴力，仲將黑布蓋上鐵馬，以示不滿。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24