上海唐君遠教育基金會（基金會）噚日舉行第二屆第八次會議，理事會席間改選理事長。事緣唐翔千以年紀大而辭任，自然要搵人替補。最終佢哋選咗唐英年接父棒，而唐翔千則獲理事會一致推舉為終身名譽理事長。專程飛到上海與會嘅唐唐對獲選深感榮幸，自覺任重道遠咁話。
呢個基金會係由唐唐阿爺唐君遠倡議成立，至今有26年歷史，獎勵同資助過嘅內地學生同教師達6.4萬人次，捐贈項目則有60幾個。唐唐話喺老竇帶領下，基金會一直致力內地教育，重點培訓人才，佢都會以阿爺同老竇為榜樣，以「一個都不能少」嘅精神，將基金會發揚光大。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24