下年世界盃主辦國巴西，梗係唔使打生打死踢外圍賽啦，上周六就飛到南韓首爾，同打入決賽周嘅南韓拍跳，森巴兵團排陣都好有誠意，三叉戟由尼馬（右二）、祖奧同侯克擔任，44分鐘尼馬妙射罰球，幫客軍先開紀錄，換邊後再由車路士中場奧斯卡杜斯山度士贏到2:0，取得3連勝；周三巴西就會飛到北京，同非洲兵贊比亞友賽。南韓方面已經出到強陣，好似寄誠庸 、池東沅等外流兵歸隊，但7月以嚟只係贏過海地咁大把，國內已有呼聲不滿教練洪明甫，希望洪大佬唔好步澳洲教練奧錫克後塵，未帶球隊去巴西已經被炒魷。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24