昨日陳豪現身無綫劇《法外風雲》在荃灣舉行的宣傳活動，陳拉法與黎耀祥等人在台上玩遊戲，準爸爸陳豪被問會否與太太陳茵媺睇劇當胎教？他笑說：「我仲學習緊胎教，睇吓要做啲乜？不過我𠵱家都有試同佢傾吓偈。雖然做嘢好緊要，但我嘅家庭心都好重，會喺工作中盡量抽時間陪太太。」他笑稱多得大家關心，現在有不少人贊助奶粉和尿片。而BB的名字方面，他說：「遲啲先講喇，都未改好晒，主要都係雙方嘅父母改，不過最想都係配合BB嘅性格，或者憑感覺揀一個適合嘅名畀佢。」
爭做視帝
祥仔被問到今年與陳豪視帝之爭，他說：「我哋冇爭嘅，我覺得今年應該佢攞，係實至名歸，分分鐘可能同一日出世兼攞獎，雙喜臨門嘛！」法拉則坦言看好張智霖、吳鎮宇、陳豪和黎耀祥四人，至於會否睇好自己成視后，她則說：「唔會喇，我只係志在參與。」
法拉和冼色麗前晚亦在中環出席時裝品牌活動，法拉接受有線訪問時，沒有再要求主播除咪牌做廣東話訪問。有指她經常缺席無綫劇宣傳，她呼冤：「之前《衝上雲霄II》如果喺香港會盡量出席，即使喺外國都會爬起身做電話訪問。」有傳她打算簽鍾珍，連陳慧琳都開聲說不介意用同一經理人，法拉說：「多謝佢鼓勵，𠵱家好多嘢傾緊，鍾意現在咁自由。」
採訪：譚倩宜、王連連
攝影：陳順禎
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24