劉嘉玲、郭富城、林憶蓮及鄭裕玲（嘟嘟）前晚於金鐘出席時尚雜誌《Harper's Bazaar》慶祝活動。對於好友梅艷芳的遺物遭低價拍賣，嘉玲甚表關注：「自己係佢朋友，希望保留落嚟，啲人買咗佢唔知會唔會珍惜，賣得咁平冇需要，應該擺喺博物館，等朋友同粉絲留念，五百蚊太平，心裏面好唔舒服！」
硬銷偉仔封帝
對於老公梁朝偉再獲提名金馬獎最佳男主角，嘉玲表示應會陪他出席：「《一代宗師》咁多提名，應該大殺四方，我係王家衛粉絲，亦係梁朝偉粉絲。」嘉玲得知梁家輝以《寒戰》，張家輝則憑《激戰》爭影帝，她笑說：「仲有乜嘢嘢戰，我係評審，實係梁朝偉，都鍾意梁家輝嘅《寒戰》，但今次係Tony Leung……Chiu Wai，家輝唔好彩！」
對於理想酒店將拆卸，嘟嘟感覺淡然：「我拍過好多地方都拆晒。」
採訪：盧妹
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！