鶴臣終於有覺好瞓！主場首勝牛皮糖黑山4:1，總算保持領先優勢，只要周中主場殺敗波蘭，就可首名出線，直入世盃決賽周；更重要者，乃是即使敗陣，亦可次名入圍，最多憑附加賽吊命，況且波蘭已是出線無望，未必會拼盡做攔路虎也！
不過，若是客軍陣中有心演身價，要在溫布萊場館吸引英超球探，三獅兵團要敲響勝鼓，尚不可安枕無憂！
須知黑山喪師，首因乃是殘陣作客，老將胡仙歷等4員正選缺陣，只好死守求和；久守必失，繼而洩氣，招致大敗；主隊所入4球，其一是無壓力而擺烏龍枉失，最末一球，又由於球證誤判；主隊實至名歸的「士哥」，竟由處子登場的安祖斯唐辛而來，這隻高速幼獅，盤扭不俗，開紀錄一球乃是含枚疾走，帶足半場傳中，令黑山衞將解圍撻頭，輾轉由朗尼執死雞而來；到黑山扳回1:2，他又於己隊反搶成功後，於禁區外推甩糾纏而遠射破網；一傳一射，先破僵局，繼奠勝基，竟於首膺國足之役來臨，無異夢幻之旅。但好夢易醒，一旦曝光而成對手防範目標，再演好戲，難上加難！
幼獅耀目，其實反映老獅漸黯，中場大腦謝拉特及林柏特固屬擁躉心頭好，但合作始於艾歷臣時代之鑽石陣式，不覺已屆10年，攻守皆由於巔峯已過而褪色甚遠，若是波蘭以半密集佈防，三獅受困要破之，可能要費周章，關鍵在於許勝不許和，否則夜長夢多，若是一如周末一役，半場未開紀錄，難道又望神奇幼獅打救？
周二夜，溫布萊上彗星閃耀，會否照在三獅旗上？但願！
長毛
唔扮尊貴，我係球員
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24