【2013亞洲先生競選之見光即死】亞視《2013年度亞洲先生競選》今年首創「微亞生」，昨日本報獨家踢爆來自黑龍江26歲參賽者15號高喜民，在同志網站以「林燁」名字開設網頁，貼出騷肌露毛露股照，並附上聯絡電話，儼如電召男。亞視高度關注事件，昨午發出嚴正聲明，指高喜民因在香港涉嫌從事嚴重影響亞洲電視聲譽之行為，決定取消其參賽資格，並保留追究一切權利及導致之損失。
亞視助理副總裁冼偉智昨日在電話透露已跟高喜民聯絡：「我哋前晚已同佢通過電話，佢冇交代詳情，但明知犯錯嘅人冇理由再講嘢。我哋覺得好可惜，大好青年揀條咁嘅路。」雖然高喜民的票數原本是第一位，極大機會直接晉身下月亞生總決賽，現將由第二位頂上，冼續說：「亞視都有經過嚴格篩選，唔係大隻靚仔就得。投票今晚截票，暫時以香港代表3號李大衞票數最高，面試見過幾好。」高喜民昨日沒有上微博，但有網友留言指他電話打不通，表現失望。
羅霖爆收得平
91年亞姐冠軍羅霖、亞視前高層盛品儒、人妻亞姐黎虹讌和江若琳昨在中環出席美容活動，盛品儒拒絕受訪，對微亞生高喜民疑做電召男，在電話聲稱一小時收費1,000元，並提供「1069」兼包房租服務，曾與內地嫩男傳緋聞的羅霖驚訝說：「一千蚊咁平？唔係試過，只係覺得每個鐘一千好平啫，靚唔靚仔㗎？」她直言好難避免，惟有靠傳媒爆料：「選出嚟要有代表性，就算幾靚仔都唔可以有污點。」她稱剛在歐洲拍亞姐特輯，問可有艷遇？她說：「法國司機留言I Love You，叫我下次搵佢。」名媛陳君宜剛由法國返港，她透露在當地遇劫失掉手機及信用卡，又試過被陌生人撞門15分鐘，她說：「我朋友都唔見信用卡，佢走咗之後我要用梳化頂住房門。」
採訪：林嘉慈
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24