李玟是遺腹子，出生前爸爸已病殁，李媽媽一手撫育三個女兒，CoCo說：「好多人叫媽咪放棄我，話佢冇可能照顧到三個小朋友，又冇乜錢，好在媽咪冇放棄我，媽咪覺得我好可憐，一出世就冇爸爸，由細教我哋三姊妹要團結。」李媽媽沒催女兒結婚生仔，所以三姊妹都是遲婚，CoCo說：「我哋好黐媽咪，呢個係最大原因我等咁耐先結婚，由細見媽咪咁辛苦，我同自己發誓，一定要畀媽咪享福。」
當年初出道的CoCo獨個兒到台灣發展，入不敷支只能捱即食麵醫肚，她說：「我同家人講長途電話，靠上電視賺1,300蚊新台幣畀電話費，上綜藝節目掟蛋糕乜嘢都做，捱到尿道炎住咗醫院十日，從來冇見過自己對腳咁幼，仲同老闆講出院即影封套，媽咪話我係女版劉德華，好捱得！」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！