電影《阿凡達》（Avatar）澳洲男星森禾霍頓（Sam Worthington），早幾日至去咗澳門出席華鼎獎頒獎禮，轉頭佢已經飛返家鄉，暫時喺悉尼歎世界，第一時間都係同泳衣名模新歡Lara Bingle度過二人世界，噚日佢哋俾狗仔隊拍到喺海灘恩愛嬉水，仲不時深情激吻。
現年37歲嘅森禾霍頓近排發福唔少，佢都知係時候減吓，噚日佢同女友去沙灘跑步，不過，跑跑吓除咗上衣嘅森禾霍頓，就索性同Lara跳落水，呢對情侶似乎唔係喺水中降溫，而係繼續升溫。凸腩嘅森禾霍頓同身材浮凸嘅Lara外形相映成趣，佢哋仲咀到拗腰，挑戰高難度動作，之後上水仍要繼續又攬又錫，可能因為森禾霍頓遲啲要開工拍新片，佢同Lara至咁鬼冤氣。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24