亞視前執行董事盛品儒、無綫非執行董事方逸華及陳志雲等幾位過氣電視高層前晚聚首一堂，在中環置地廣場出席時尚活動，同場還有熊黛林和貝安琪等。盛品儒上月因通訊事務管理局一聲令下要他離職後，便甚少公開亮相，前晚他與已為人妻、91年亞姐亞軍黎虹讌結伴同來。
盛品儒昨晚又與黎虹讌在九展出席《Barbie Live Opening Night Gala》，有指他搞電視及飲食生意，甚至進軍多媒體行業，盛品儒說：「我最近忙休息，飲食方面係指我自己嘅飲飲食食，我有好多概念，但未決定，我年尾會去旅行。」提到新媒體工作，他說：「呢方面以前係有啲投資，但只係概念上，我應該會考慮去做，做電視台真係好燒錢，反而媒體好啲。」問他會否進軍幕前？他笑笑口說：「冇可能喇，我又唔係高層，又唔係後生，太老喇！」他再說：「我𠵱家更加尊重電視嘅人，我會睇更加多電視節目，當然亞視睇多啲，無綫會睇劇集。」會否支持亞視開劇？他說：「好支持，但亞視劇組遣散咗，要搵番呢啲拍檔先開到。」
撐亞視準時出糧
盛品儒被問到有指他透露王維基有意以6億收購亞視，他否認說：「價錢我唔清楚，我只係講話有人接觸過我哋個大股東黃炳均。」他稱王維基不會找他。有指因亞視拖糧而令節目停播？他說：「呢個係誤會，我哋係絕對合法，準時出糧，就算遲一兩日都係轉賬問題。以我所知我哋個家族，包括王征會繼續支持同注資亞視，亞視會越嚟越好。」
熊黛林前晚提到單身後首個生日，她表示大班友人為她慶祝，並說：「生日願望係事業好，快啲搵到咩……」問郭富城有否短訊祝賀？她說：「我之前搬屋，個師傅成日傳訊畀我，我改咗電話。」活動後Lynn與友人再到尖沙嘴慶祝至凌晨。貝安琪就讚緋聞男友陳展鵬「very good」。
採訪：黃曉妍、盧妹、梁繼光
攝影：黃文偉、仇志德、黃曉程
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24