《樂》當快樂足球遇上金錢足球，究竟會係邊個贏呢？大溪地足總（圖）周五透過官方twitter約戰曼城，語氣仲非常有霸氣，「覆我哋，曼城！踢唔踢友賽？」呢句話引嚟好多網民討論，大部份人都叫曼城接受挑戰，有啲人仲話大溪地可以摧毀曼城喎。但大溪地呢個官方twitter成日都搞gag，得閒又同球迷吹水，今次都唔知真定假。另外，有個曼城球迷嘅7歲囡囡有腦腫瘤，有慈善機構捐咗1,500鎊俾佢個女醫病；呢位好爸爸事後竟然紋咗死敵曼聯嘅會徽上手臂，證明佢可以為咗個囡去到幾盡都得。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24