《喜》新一季澳職噚日開鑼，揭幕戰由FC悉尼主場對紐卡素噴射機。呢場波原本令人充滿期待，點知噴射機嘅英格蘭前鋒希斯基，喺季前重創而要休息6周，搞到得番迪比亞路一個人孭飛。雖則迪比亞路到咗下個月就滿39歲，不過呢位前意大利國腳前鋒就寶刀未老，貢獻1入球1助攻，協助FC悉尼2:0贏噴射機而旗開得勝；其中佢為FC悉尼先開紀錄嗰球，佢更加喺禁區內扭過幾名噴射機球員，然後先至射入死角，真係靚到絕。效力墨爾本雄心嘅澳洲前鋒基維爾，同埋效力西悉尼流浪者嘅日本中場小野伸二，今日亦會登場同球迷見面，我求大俠希望佢哋可以好似迪比亞路咁有好表現啦！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange