吳千語昨日以素顏造型現身尖沙嘴的Estee Lauder嫁妝示範活動，大會安排小演員化身「林小峯」跪地求婚。千語在台上透露希望有一個白色主題的簡單婚禮，她接受記者訪問時表示：「做咗呢行，唔鍾意好似做騷咁。」會否考慮到外國結婚？她說：「都係想溫馨、舒服、小型，同幾個close朋友親戚喺埋一齊。」記者笑言林峯在廈門是大家族，她說：「冇討論呢個問題。」千語素顏示人，歪面情況依然，她說：「朋友睇完都問我有冇打針，好小事，我箍牙一面睇落瘦咗少少。」問到林峯有否讚她素顏？千語說：「平時出街仲化妝會好辛苦，女仔都係自然一面好啲。」
採訪：羅慧敏
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！