鄭融、陳柏宇、何傲兒等前晚喺尖沙嘴出席時裝品牌派對，咁啱係鄭融29歲生日，大會送咗個蛋糕畀佢，佢話：「喺工作中度過好開心，證明自己有氣有力，夜晚會同媽咪、男友同朋友一齊食飯慶祝。」打算幾時結婚生仔？佢話：「同男友都係大細路，有共識唔會咁快。」而陳柏宇就同女友符曉薇手拖手現身，問佢對梅艷芳遺物被拍賣，柏宇話：「如果啲錢係用嚟維持梅媽生活都好，最重要對離開嘅人有一份思念。」
撰文：馮仁昭
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24