《神鎗狙擊》噚晚終於大結局！不死子珊終於都死咗！不過佢唔係死於爆炸，係死於子彈之下。話說周海媚叫咗子珊上佢屋企，諗住交五千萬美金債券交俾佢處理，但係洪國才竟然呢個時間入咗海味屋企，以Miki要脅佢哋，雖然子珊又好勁咁，一把刀飛埋去以為制服咗洪國才，但之後拎咗子珊支鎗嘅洪爺瞓低都要射佢哋一鎗，結果子珊幫海味擋子彈就中咗鎗入院啦，最後仲死埋。
咁「珠女」子珊死咗，走歪路嘅謝天華被通輯，就以丁上善父子做威脅，約咗張兆輝決戰，一人三粒子彈，3分鐘內鬥快解決大家。決戰又係Matrix式避子彈，真係神奇到冇人有，而原來天華一早想解脫，特登放少粒子彈，最後張兆輝一鎗打落佢心口，咁就死咗啦。
而最後俾天華綁架咗嘅丁子善父子，亦都冇人交待佢哋去咗邊。咁，就完咗套劇喇。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！