廣州恒大同FC首爾會師亞冠盃決賽，將會喺10月26同11月9踢兩回合嘅比賽決勝，首爾首先主場。據內地網站消息，兩隊初步定咗票價，恒大主場啲飛貴過首爾差唔多成9倍。恒大暫定最平門票500蚊人民幣，約633蚊港幣。首爾主場成人最平嘅飛就要1.2萬韓圜，有會員卡嘅話1萬韓圜就得，計返港紙72蚊。另外，首爾仲有個包食包睇嘅套餐，每位3萬韓圜，約217蚊港紙，附送炸雞、啤酒同汽水陪你睇波（圖）。今年底嘅世冠盃都抽咗籤，亞洲代表要先對非洲代表，贏咗就會喺4強對拜仁慕尼黑。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24