有線娛樂台及娛樂新聞台喺今年6月1日收台，重組後合併成高清奇妙台，僧多粥少，員工被炒或自動離職少不免。喺有線前後服務七年嘅主播莫家淦，大前日係佢喺有線工作最後一天，有同事送咗隻肥美燒豬為佢餞行，佢喺微博話：「希望各同事工作順利，身體健康！江湖再見！ 」第二日莫家淦就即刻返新工，原來過檔無綫做主播，初嚟埗到收到迎新禮物嘅佢話：「TVB風褸一件。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！