昨日凌晨有司機發現車斗上三支電風炮被偷走報警，去調查嘅係一名外號「高Ling」嘅女CID，網民讚呢位師姐索爆。
講起師姐，最近「膠力十足」嘅TVB劇《神鎗狙擊》都有好多師姐，其中以好似擁有不死身，炸極都唔死嘅徐子珊最多人講，佢喺劇入面查案，竟然成日著低胸衫同5吋高踭鞋，真係令人嘖嘖稱奇，網民好質疑呢種裝扮，但子珊話問過做警察嘅朋友，話師姐真係著高踭鞋喎!不過今日見呢位索師姐「高Ling」，只係著厚底涼鞋，睇個樣追賊點都快過高踭鞋啩!?
有報道話TVB因為要力捧子珊，加重佢戲份。另外謝天華曾經就劇情唔合理向監製投訴過，但監製就意見接受。呢次TVB真係捧出個反效果喇。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24