【銅鑼灣】熊黛林（Lynn）同內地藝人陳昊傳緋聞，無論真假都好，睇嚟佢已經從失戀之中回復過嚟。噚日係Lynn嘅33歲生日，前晚佢約咗一班朋友包場慶祝。夜晚7點幾，Lynn揸車離開西灣河嘉亨灣住所，先去大坑接助手，之後去咗銅鑼灣加路連山道一間日本料理同朋友慶祝。玩咗大約3個鐘就離開，問到Lynn有冇收到舊愛郭富城嘅禮物？佢只係「嘻嘻」冇答，但就話：「收到朋友嘅關心。」
採訪、攝影：黃曉程、梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！