曼聯上場反勝新特蘭，贏到波，領隊莫耶斯先鬆口氣，但佢仲狼狽過689，炸彈拆極都仲有，搞掂完外患，就到內憂。查維亞靴南迪斯（小豆）同法比奧達施華（小圖）好似夾定咁，齊齊話考慮離隊。前鋒小豆話：「我一直向正選位置而努力！靠我在場上的表現，遲早都一定可以踢到正選，可能喺曼聯，亦可能喺其他球隊。」可以踢左閘或右閘嘅法比奧就話：「我認為離隊嘅時候已經到，可能係下個轉會窗，又或者係下季。我覺得我可能要走，機會唔細。」喺尹佩斯同朗尼兩大射手之下，小豆冇正選都合理，但莫耶斯最近寧願用阿歷山大畢拿、基斯史摩寧呢啲都唔用法比奧，難免佢踢到心淡。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24