無綫節目《星夢傳奇》已接近尾聲，聽晚第12集就會由五位歌手out剩最後四強。無綫一向鍾意玩煽情，所以聽晚嗰集會集合過去被淘汰嘅藝人嚟番首大合唱，除咗李璧琦、王君馨、林子博外，連現身過一集就出局嘅楊思琦、張名雅、陳倩揚都再度出場，實行大堆頭取勝。噚日成班人入咗錄音室，思琦喺微博賣晒廣告話：「我們將會大合唱啊，留意星夢第12集！」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！