獲提名金馬影帝嘅張家輝同劉青雲、古天樂三位型男首度合作，拍攝陳木勝執導嘅《掃毒》，該片將於12月上映。
《掃毒》以港產本土動作片姿態強勢回歸，該片已率先成為今個月25號嘅香港亞洲電影節開幕電影，下月更走出國際，到歐洲參加影展。
懸崖取景
故事圍繞三人兄弟情義交戰，之前仲去咗泰國荒僻森林同喺高溫天氣下取景，三人有大量槍戰、爆破場口，仲加插咗直升機、僱傭兵脅持等。
三位型男私底下老友鬼鬼，不時埋堆參與設計動作鬥演技，拍攝時都幾挑戰體力，古仔都話好期待同青雲、家輝合作，陳木勝更親身上陣，為《掃毒》拍電影海報，喺鬆脫沙泥嘅懸崖邊取景，處處陷阱，為咗拍攝團隊嘅安全，要實施人潮管制。青雲個人突破，拯救被僱傭兵以槍指嚇嘅古仔同家輝，周邊更圍住狙擊手同直升機嘅危險場面，演繹出三人抉擇命運嘅生死時刻。
撰文：馮仁昭
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24