劉嘉玲、謝婷婷及周汶錡等前晚到圓方，出席Tod's時尚活動。嘉玲剛從巴黎、倫敦旅遊返港，大讚現場觀賞譚盾與嚴培明兩位藝術家的表演，她笑說：「叫做『One Night Stand』，有一百個情侶喺船做愛，佢哋會撳掣放煙花代表高潮秒數，覺得好靚、好藝術同好浪漫。」
鼓勵王菲出碟
問嘉玲會否帶梁朝偉觀看，她說：「佢去咗法鼓山禪修，好難book，要三日唔講嘢，青霞志偉都去過，自己都想試，志偉咁嘈都忍到。」提到好友王菲回港，會否照顧及鼓勵王菲出碟，她說：「佢唔需要我照顧，佢好清楚自己做緊乜，好獨立，佢應該出碟，唔好嘥。」
此外，婷婷剛由非洲參與拯救動物的慈善活動回來，問到柏芝帶兩名兒子由加拿大返港，她說：「自己剛返嚟，唔太清楚。」
婷婷旅行遇竊
婷婷透露去了非洲兩個星期，回港患了肺炎：「之前喺津巴布韋俾人偷咗八千蚊美金，覺得係預謀，要向媽咪求救，中間又轉咗地方，冇得上網，要兩日先聯絡番。中間去咗影獅子，同行有人落車五分鐘，俾獅子咬到重傷，好彩自己頑皮行咗第二條路，所以冇事。」
採訪：盧妹
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24